LlGC Llsgr. Peniarth 18 – tudalen 38r
Brut y Tywysogion
38r
tlỽyf. Ac euelffre. Ac yn|yr haf hỽnnỽ yd|adeilasei
yr arglỽyd rys castell aberteiui o vein a morter
yr hỽnn a|distryỽassei kynn o|hynny pann y|duc
y ar iarll clar. Ac y|delis robert ap ysteuyn o
nest uerch rys ap teỽdỽr. Ar nest honno oed uo+
drup y|rys. a robert yn gyfynderỽ idaỽ. A brodyr
robert oed dauid escob mynyỽ. A gỽillym gerallt
ystiỽart. Ac ena yd aeth rys o gastell aberteiui
hyt yg|kastell penuro y|ymdidan a|r|brenhin y
deudecuettyd o|galan hydref. A|dyỽ sadỽrnn oed
y|dyd hỽnnỽ yd erchis rys kynullaỽ y|meirch
oll a|adaỽssei yr brenhin y aberteiui val y bont
baraỽt ỽrth eu hanuon yr brenhin. A|thrannoeth
dyỽ sul yd|ymchoeles rys. A|dethol a|oruc hỽe
meirch a|phetỽar|vgeint ỽrth eu hanuon tran+
noeth yr|brenhin. A gỽedy dyuot hyt y|ty gỽynn
clybot a|oruc ry|vynet y brenhin y|vynyỽ y|pererin+
ha. Ac offrymaỽ a|ỽnaeth y brenhin ymynyỽ.
deu cappan cor o|bali ar veder cantoryeit y|ỽassa+
naethu duỽ a deỽi. Ac offrymaỽ heuyt a|oruc
dyrneit o aryant am|gyfyl y|dec sỽllt. Ac er+
vynneit a|oruc dauid uap geralt y|gỽr a|oed
escob ymynyỽ yna yr brenhin bỽytta gyt ac ef
y|dyd hỽnnỽ. a gỽrthot a|oruc y|brenhin o achos
goglyt gormod treul yr escop. dyuot eissoes a|or+
uc ef ar escop. A|thri chanhonỽr gyt ac ỽynt y
| « p 37v | p 38v » |