LlGC Llsgr. Peniarth 190 – tudalen 209
Ymborth yr Enaid
209
oỻ y godefaỽd crist ac ỽynt. Ac a honno
yd inseilyt caỻonneu ffydlonyon crist. ac
eu henweu yn ỻyuyr y vuched. ac am
benn yr arderchaỽcuab yd oed coron o
eur perffeithgỽbyl. ac yn rỽymedigyon
yn|yr eur deugein mein o amherodron ve+
in gỽerthuaỽrussyon. a|r aduwyn·uab
a|oed yn kyfeisted kadeir aduỽyndec o as+
gỽrn eliphant disgleirlathyr ganheit+
rỽyd yn rỽymedic o bop mann o wiwyon
lafneu rudgoetheur yn gyflaỽn o bop
ryỽ amherodron vein gỽerthuaỽrussy+
on. ac amylder o glustogeu pali a rei si+
dan. a|rei eurỻin ydanaỽ ac yn|y gylch
ac ydan y draet. Ac yn|y ỻaỽ deheu idaỽ yd
oed teyrnwialen o eur mal. ac is y laỽ ar
ben y wialen maen karbỽnculus ỻewych+
loeỽ. ac y ar y laỽ. maen araỻ. Ac o|hynny
y vyny y wialen yn deir|keing yn ardan+
gos teir person y|drindaỽt o vn kyff vn+
dỽywolder yn ỻywyaỽ teir|bann y vedyssyaỽt
| « p 208 | p 210 » |