LlGC Llsgr. Peniarth 190 – tudalen 254
Penityas
254
O|r mynychaỽd y dauarneu ac o duc ereiỻ
yno gyt ac ef. a govynner idaỽ a|gymheỻa+
ỽd ef neb y yfet gormod. o|r bỽytaaỽd kic
yn amser an·dylyedus. ac o thorres y vn+
prytyeu a rodet arnaỽ. ac o ba achaỽs y
torres. Am|ỻesged a|diogi.
O Geingeu ỻesged. Ot ebryuygaỽd
dysgu y bader a|e gredo. neu o|e dys+
gu o|e veibyon vedyd. O|r bu weỻygyus yng
gỽassanaeth dwyỽaỽl. Ot ebryuygaỽd we+
diaỽ neu vynet y|r eglỽys yn amser dyly+
edus. neu o|r ỻesteiryaỽd ereiỻ y vynet. O|r
gỽnaeth dim yn|yr eglỽys megys y ỻestei ̷+
ryt gỽassanaeth dwywaỽl o·honaỽ. O|r bu
dielỽ ganthaỽ warandaỽ pregeth. O dam+
chweinyaỽd codet o|e blegyt ef yng|gỽassa+
naeth dwyỽaỽl neu yn rinwedeu yr eglỽys.
Ony dywaỽt y oryeu kanhwynaỽl ac ef
yn vrdaỽl. neu a benoffis idaỽ. Ony chat+
waỽd y sulyeu neu y gỽylyeu ereiỻ. O|r
caraỽd yn ormod seguryt neu eiryeu gor+
| « p 253 | p 255 » |