LlGC Llsgr. Peniarth 190 – tudalen 44
Ystoria Lucidar
44
a|vyrir trỽy vaen y doethon o benn crist.
Y danned ynt ysponwyr yr ysgruthyr lan.
Y dỽylaỽ ynt. amdiffynnwyr yr eglỽys. Y
traet ynt y ỻauurwyr yssyd yn porthi e+
glỽys duỽ. Y deil ynt. y treisswyr yssyd yn
gorthrymu dynyon gỽirion. ac a vyrir aỻan
o groth yr eglỽys y eu ỻyngku o|r dyeuyl
ỽynt drỽy eissiwet ac angeu. megys y ỻỽngk
y moch y soec. a|r budred a|r corff hỽnnỽ a
gyssyỻtit y·gyt yn vn o ysgraỽling kary+
at. discipulus Paham y gỽneir y gorff ef o|r bara.
a|e waet o|r gỽin. Magister Y gorff ef a|wneir o|r bara
am dywedut ohonaỽ bara byỽ ỽyfi. Y waet
ynteu o|r|gỽin am ry dywedut o·honaỽ. gỽ+
ir winwyden ỽyf|i. ac megys y megyr y
corff o|r bara. veỻy y porthir yr|eneit o vỽyt
nefaỽl. ac megys y gỽneir y bara o|r gra+
ỽn ỻawer. veỻy y kynnuỻir corf crist o law+
er o etholedigyon. ac megys y berwir y
bara o nerth y tan. veỻy y pobet crist y|my+
ỽn tanỻỽyth o|diodeifyeint. a|r bara hỽnnỽ
| « p 43 | p 45 » |