LlGC Llsgr. Peniarth 33 – tudalen 15
Llyfr Blegywryd
15
brenhin. neu nei idaỽ a|dẏly bot
ẏn benteulu. O|r gat ẏ|brenhin vn
o|r teulỽ ar var y|gantaw hyt odis y
pentan. y|penteulu bieu y wahawd a|e
gẏnhal ẏgẏt ac ef os mẏn. ac ef bi ̷+
eu kẏmryt ẏr henurẏat a|vẏnho ̷ ̷
ar|ẏ|deheu. ac arall ar|ẏ|asseu. Mar ̷+
ch ẏn wosseb a|dẏlẏ ẏ|gan ẏ|brenhin.
Rann deu varch o|r ebran a|geiff ẏ ̷
varch ef. ~ ~ ~ ~ ~ ~ ~ ~ ~ ~ ~ ~ ~ ~ ~
D Jstein a|uẏd kyurannaỽc ar|ẏ
pedeir sỽẏdeu ar|hugeint ẏn ̷
llẏs. Ran deuỽr a|gaiff o|r|arẏ ̷+
ant a|del ẏgẏt a|guestuaeu brenhinaỽl.
Ban roho ẏ|brenhin sỽẏd ẏ|ỽn o|r sỽ ̷+
ydogẏon eithẏr ẏr rei arbennic ẏ|llys
gobẏr a|distein ẏ|gantaỽ pedeir ar|hu ̷ ̷+
geint arẏant. Ac ef a|geiff ẏ|gan ẏ
penkynyd croen hẏd ẏn hẏtref ẏ|w ̷+
neuthur llestrẏ y|gadỽ kẏrrn ẏ bren ̷+
hin. a|e ffiolleu. A|hẏnnẏ kyn rannu
ẏ|croẏn ẏ|brenhin a|r|kynẏdẏon. Croen
ewic heuẏt a|gaiff ẏ|gan ẏ|kẏnẏdẏon
ereill pan ẏ|harcho o|hanner whefra ̷+
ỽr hẏt wedẏ ẏr wẏth·nos gẏntaff* o
| « p 14 | p 16 » |