LlGC Llsgr. Peniarth 35 – tudalen 101v
Llyfr Iorwerth
101v
hanner mei. A mis hydref ar y hyt
ac odyna kynny bo namyn teir nos
a| thri dieu ym pasc. punt a| tal. ~
Palffrei. chweugeint. Rỽnsci*
neu sỽmeruarch. chweugeint. Gwe+
inc uarch. Triugeint. march gwyllt
tri ugeint. ystalỽyn kymeint yỽ gỽer+
th y dỽy geill a dỽy cassec. Ac arnaỽ
e| hun y tryded. Sef yỽ hynny naỽ
ugeint. A dan tri heint y dylyir
bot am teithi march. rac yr ehegyr
tri glỽith. Rac y llymeirch blỽydyn
rac y du ysgeueint teir lloer. Ac y
dan lỽyc yny uarchoker teir gweith
yn tyrua dynyon a meirch ac Ony
lỽycca yna bit ryd y neb a|e gwertho
ac o llỽycca atuerer y trayanwerth
a|e proui ynteu kyn pen y teir nos
ar tri dieu. Gwerth troet march
y werth yn cỽbyl. Gwerth y lygat
y trayan werth ar trayan ar y lly+
gat arall. Pob anaf a uo ar uarch
y trayanwerth. Pỽy| bynhac a lad+
ho raỽn march. rodet uarch arall
| « p 101r | p 102r » |