LlGC Llsgr. Peniarth 35 – tudalen 102r
Llyfr Iorwerth
102r
o|e perchennaỽc y wnethur* ac ef
un ryỽ uỽynyant ac a| wnelei ar ei+
daỽ e| hun yny tyfo y raỽn ual kynt
ac ynteu yn segur Mỽng march
un werth a|e frỽyn. Sef yỽ hynn pedeir
keinaỽc. kyfreith. A|e talcudun un werth a|e ke+
bystyr. Sef yỽ hynny. keinaỽc. kyfreith. Pỽy| byn*
a| uenffykyo march y arall a gonoui y
bleỽ ar y keuyn. pedeir. keinaỽc. a| tal. O thyrr
croen hyt kic. vyth. keinaỽc. O thyrr y kic
ar croen hyt yr asgỽrn. un ar pymthec
Pỽy| bynhac a uarchoc march heb gannyat. Ta+
let pedeir. keinaỽc. esgyn a phedeir o bob ran+
dir y marchoco arnaỽ. Ac ny dylyir
am disgynnu Canys iaỽn yỽ disgynu can
esgynnỽyt a hynny y perchennaỽc y march;
Ar camlỽrỽ yr arglỽyd. Pỽy| bynhac
a loco march ket boet marỽ gantaỽ;
Ny dyly namyn y lỽ gỽneuthur idaỽ
kystal a chet bei eidaỽ e| hun a| thalu y
loc. O deruyd y dyn llogi march ac en+
wi pa hyt yd el ac ef. Os dros hyn+
ny yd a. Talet trayan yr elỽ y perch+
ennaỽc y march. Ac y uelly os da
| « p 101v | p 102v » |