LlGC Llsgr. Peniarth 35 – tudalen 22r
Llyfr Iorwerth
22r
dic o|e dylyet. O deruyd. y dyn rodi mach y arall ar beth
ac wedy hynny mynet a|e da ar naỽd rac talu y dy+
lyet. kyfreith. a dyweit na dyly naỽd rac hynny ac y dyly
y mach rodi y gỽystyl yr haỽlỽr neu wadet y uech+
ni. Ny dyly mach dỽyn gỽystyl kynnogyn ac ef
yn negesseu arglỽyd neu yn| y anghenreideu e| hun.
Neu yn| y glaf wely ac ny dyly haỽlỽr dỽyn gỽystyl
mach yn| y kyfleu hynny. O deruyd. y dyn kymryt mach
y gan arall ar da. Ac gwedy hynny dehol y kynno+
gyn o|r wlat am angkyfreith. y dylyir dehol ymdanei na
bot yn wladỽr. A mynnu o|r haỽlỽr y da y gan y mach
Sef y barn kyfreith. yna yr mach talu hanner. A llyna
y trydy lle y rann kyfreith. yn deu hanher y rỽng kynno+
gyn a mach. O deruyd. gossot ar lourud a chenedyl
galanas a|e rannu yn kyfreithaỽl. A dyuot kymhellỽr
y kymell rann o alanas ar kar idaỽ neu ar kares.
a bot hỽnnỽ yn diaberỽr yg gỽlat arall neu yn
wladỽr didim ual na allei talu y rann a dodet ar+
naỽ. Jaỽn yỽ yr kymhellỽr yna talu y rann hon+
no o|r eidaỽ e| hun. A phan del y kar yr wlat o byd
o da ar y helỽ kymeint a| hynny kymhellet y da
a| talỽys drostaỽ. A llyna yr un lle y dyly dyn
kymhell da idaỽ e| hun heb na mach na thyst ar+
naỽ onyt tystollaeth o|r alanas. O deruyd. bot mach
ar dylyet a| chynn dyuot oet y dylyet marỽ y
| « p 21v | p 22v » |