LlGC Llsgr. Peniarth 35 – tudalen 45v
Llyfr Iorwerth
45v
et y mab am tir a dayar namyn y+
n| y oes e| hun. Mỽy noc y dyly y mab
treissaỽ y tat yn| y oes am tir. y uelly
ny dyly y tat treissaỽ y mab. A chet ys
treisso ef. y mab a|e dỽc dracheuyn. Ei+
thyr un peth yny bu kyuundeb tat a
brodyr a cheuyndyrỽ a chyuerdyrỽ ac
arglỽyd am talu tir yn waettir. A hỽn+
nỽ ny eill y mab y dỽyn dracheuyn Ca+
nys yr mab y prynỽyt hedỽch o hỽnnỽ
uegys yr tat. Canys hynny o dynyon
eu gradeu ny ellir defnydyaỽ tir heb
eu kyghor. A| chany bo tir yr ryuu
dyn hỽnnỽ ny byd alltut eissoes namyn
bonhedic canhỽynaỽl. Bonhedic yỽ dyn
a| uo y kyflaỽn uonhed yg kymry o uam
ac o dat. Kyfreith eglỽys a| dyweit
na dyly un mab tref tat namyn y mab
hynaf yr tat o|r wreic priaỽt. Kyfre+
ith hywel a|e barn yr mab ieuhaf ual
yr hynaf. Ac a uarn na dotter
pechaỽt y tat nae aghyfreith yn erbyn
y mab am tref y tat. Nyt dilis y
dyn y dyuodyat y tir namyn trỽy ura+
ỽt kyfreith. Neu o estyn arglỽyd. Rei a
dyweit o lledir dyn am tir; dylyu hỽn+
| « p 45r | p 46r » |