LlGC Llsgr. Peniarth 38 – tudalen 14v
Llyfr Blegywryd
14v
yr emenhyd. neu o|r brethir yn|y arch hy ̷ ̷+
ny ỽeler y amyscar. neu torri ascỽrn mor+
dỽyt dyn. neu ascỽrn y vyryat. dros pop
vn o hynny y telir teir|punt idaỽ. kanys
ym|perigyl o|e eneit y byd am pop o hynny.
Hyn a|telir y vrathedic y bo reit idaỽ ỽeith
medic y·gyt a|e sarhaet. Pedeir keinaỽc dros
padell y ỽneuthur mediginyaeth. a|phedeir
keinawc. dros ỽer. Keinhaỽc dros oleuat beunoeth.
keinhaỽc dros vỽyt y medic beunoeth. keinawc.
dros vỽyt y brathedic beunoeth. Pedeir
keinhaỽc cota a|telir dros pop ascỽrn vch
creuan a|tynher o pen dyn. o|r a seinho y+|my
ỽn kaỽc efyd. O|pop ascỽrn is creuan y keiff
pedeir keinawc. kyfreith. K·yfreith a dyỽeit bot
yn vn ỽerth aelodeu pop dyn a|e gilyd. o|r tor+
rir aelaỽt y brenhin; y vot yn ỽerth ac ae ̷+
laỽt y bilein. ac eissoes mỽy yỽ gỽerth sarh+
aet brenhin neu vreyr no sarhaet bilein o|r
| « p 14r | p 15r » |