LlGC Llsgr. Peniarth 46 – tudalen 104
Brut y Brenhinoedd
104
honn y|mae ef yn damunaỽ y tagnef+
uedu ac ulkassar. y gỽr oed da gann
ulkassar caffel tagneued gantaỽ kyn+
o hynn. ac ỽrth hynny ef a|dyly·ei
medylyaỽ yn yaỽn ỽrth y gỽr trỽy
yr hỽnn y gallỽys ef dỽyỽeith gỽrth ̷ ̷+
lad amheraỽdyr ruuein o|e teyrnnas
a|e dỽyn idi y|tryded ỽeith o|e anuod.
ac ỽrth hynny anoethineb yỽ gỽne+
uthur sarhaedeu y|r neb y caffer y ̷ ̷
uudugolyaeth trỽydunt yn ỽastat.
cany eill un tyỽyssaỽc cael budugoly+
aeth hep y gỽyr a ellygant eu gỽaet
yn ymlad drostaỽ. ac eissoes hep ef os
gallaf|i mi a|e tagneuadef ef ac ulkas ̷+
sar. cany derỽ digaỽn dial arnaỽ y|sar+
haet a|ỽnaeth ymi. a|chyhỽynu a|oruc
auarỽy gann urys hyt y|lle yd oed ul+
kassar. a|dygỽydaỽ yn ystygedic rac y
uron gann dyỽedut ual hynn. llyma
ỽeithon goleu yỽ ac amlỽc bot yn diga ̷ ̷+
| « p 103 | p 105 » |