LlGC Llsgr. Peniarth 46 – tudalen 198
Brut y Brenhinoedd
198
hynny a|alỽn ni dieuyl gogỽydedic.
a|rann yndunt o|r dayar. ac o dynaỽl
anyan. a|rann arall o egylyon. a|phan
uynnont hỽy y gallant kymryt dyn ̷+
aỽl furuf arnadunt. a|chydyaỽ a|r gỽr ̷+
aged. ac atuyd un o|rei hy·nny a|doeth
ar|y|ỽreic·da honn. ac a|e beichoges pann
gaffat y gỽas hỽnn. ~ ~
A C yna gỽarandaỽ o uyrdin ar
hynny a nessau at y|brenhin ac
adoli idaỽ. a gouyn pa achos y|dygyssit
ef a|e uam hyt yno. ac y|dyỽat gorthe+
yrn. uyn deỽinyon i a archassant ymi
geissaỽ mab hep dat idaỽ. ac a|gỽaet
hỽnnỽ iraỽ y|gỽeith. ac yuelly y|dyỽe ̷+
dynt hỽy y|seuyll. ac yna y|dyỽat Myr ̷ ̷+
din. arglỽyd hep ef arch di dỽyn dy de ̷+
ỽinyon di rac uym bronn i. a|Mi a|pro+
uaf uot yn gelỽyd a|dyỽedassant. ac
anryuedu yn uaỽr hynny a|ỽnaeth y
brenhin. a|dyuynnu y|deỽinyon rac bronn.
| « p 197 | p 199 » |