LlGC Llsgr. Peniarth 46 – tudalen 327
Brut y Brenhinoedd
327
aerua antrugaraỽc o|e elynyon. ac ar y
ruthur hỽnnỽ y llas y|tỽyllỽr gann uedra+
ỽt a|llaỽer o|uiloed ygyt ac ef. ac yr hynny
ny ffoes y|lleill. namyn kynnal y|urỽydyr
tra allyssant seuyll. ac yna y|bu y|urỽydyr
galettaf o|r|a uu yn. ynys. prydein. na|chynt na gỽe+
dy hyt pann dygỽydassant yr holl tyỽysso+
gyon o|bop parth. ac eu bydinoed. O|barth
medraỽt y|llas cheldric. ac eleas ac ebricht.
a|hỽng tyỽyssaỽc y|saesson. Gillamỽri. a
gillaphadric. a gilsor. a|gillari tyỽyssogyon
gỽydyl. Yr yscotteit. a|r|phichteit. a|e holl
niuer a las. ac a barth arthur y llas. ed+
brict urenhin. llychlyn. ac achel urenhin. den ̷ ̷+
marc. Cadỽr llemenic. a|chasỽallawn. a|llaỽer
o|uilyoed ygyt ac a ỽynt. ac ygyt a|hynny
yr ardechaỽc urenhin arthur a|urathỽyt
yn agheuaỽl. ac a|ducpỽyt y|ynys auallach
y iachau y|ỽelioed. ac ny dyỽeit y|llyuyr
ymdanaỽ a|uo hysbysach no hynny. Coron
y|teyrnnas. ynys. prydein. a|gymynnỽys ef y|custennin
Map. cadỽr y|gar e|hun. a|sef amser|oed hỽn+
nỽ. Dỽy ulyned a|deugeint a|phum cant
| « p 326 | p 328 » |