LlGC Llsgr. Peniarth 47 rhan i – tudalen 17
Ystoria Dared
17
brenhinaeth priaf vrenhin. ac ymlad a
orugant a|r castell hỽnnỽ. a|gỽedy dỽyn dir+
fawr anreith onadunt. ymeith yd|aethant
a dyuot hyt yn tenedon. ac yno y|lladassant
ỽy bawp. agamemnon a|rannaỽd yr ys+
peil a|r anreith. a galỽ y|gygor a|oruc ef. ac
odyno anuon kennadeu at priaf y|ouyn i+
daỽ a|vynnei talu elen dracheuen a|dugas+
sei alexandyr y|treis a|e hanreith y|r groec ̷+
ussyon. ac yn gennadeu yd etholet diome+
des. ac vlixes. racdunt yd|aethant at priaf
a|thra oedynt ỽy ynn|y gennadỽri honno.
anuon a|ỽnaethpỽyt ychel. a|thelepheleus
y anreithyaỽ ynys boecia. hyt at eufrans
vrenhin y|doethant. ac anreith a|dugant.
yn|y gỽrthỽynep y|doeth eufrans vrenhin
a|llu gantaỽ. ac ychel ỽedy y|llu ar|ffo a|e
brathaỽd. ac ac ef yn|y ord orỽed thelephus
a|e|kudyaỽd. dan y|taryan rac y|lad o ychel+
arỽ. o|achaỽs dyuot cof idaỽ y|llety a|gaỽ+
ssei gantaỽ. [ Yn|yr amsser hỽnnỽ yd|oed
thelephus yn vap gyt ac erkỽf y|dat. ac
| « p 16 | p 18 » |