Rhydychen, Llsgr. Rawlinson B 467 – tudalen 87v
Meddyginiaethau
87v
Meddegineaeth rac dolur ẏng·kẏlch callon ac
i|wneuthur i|ddẏn gael eỽẏỻẏs i|vỽẏtta. Kẏmer
centori a|berỽ drỽy hen|gỽrỽ a|phann ddarfoo i+
ddaỽ berỽi ẏn dda briỽ meỽn morter ac|eilỽe ̷+
ith dot ef i|verỽi ẏn|dda a|hidẏl drỽẏ liein a|ch*
kẏmer ẏ neill hanner o|r sud a|r ddeu kẏmeint
o vel a|dot i|verỽi ẏchẏdic ac aruer ohonaỽ
ẏn ẏmprẏdẏaỽl ac ef a|dẏnn y|gỽẏnt a|r do+
lur i|wrth ẏ|gallon ac a|beir vỽẏtta.
Meddeginẏaeth rac dolur kylla Kẏmer ache a|lli+
nat. a|chỽmmin a|briỽ igẏt a|dẏro i|r claf o|ẏ ẏf+
et igẏt a|dỽr tỽẏm. Rac hỽẏd a|vo meỽn kẏ+
lla dẏn. Kẏmer wreid ẏ|fenigẏl a|gỽreid ẏr a+
che a|briỽ yn|dda a thempra ẏgẏt a|gỽin a|dẏ+
ro i|r claf o|ẏ ẏfet. I ddileu gỽallt. Kẏmer vehin
teỽ a|thaỽd a|chẏmer hat ẏ|dẏnat a|mortera ẏ+
| « p 87r | p 88r » |