Caergrawnt, Llsgr. Coleg y Drindod O.7.1 – tudalen 65r
Llyfr Blegywryd
65r
tir trỽy ach ac etryt. neu dyd y attỽyn
dadyl ebryuygedic nyt amgen o
vyỽn vn dyd a blỽydyn. or pan dech ̷+
reuhont. Eil aruer yỽ. kynhal mod
kyfreithaỽl y dadleu gan ymhyaỽl
val y dewisso gỽyr y llys ar|braỽtwyr
ae geir tra geir. ae gỽers tra gỽers
canys gỽyr y llys bieu datganu
yn gofaỽdyr pob dadyl kyn barn.
a gỽedy hynny y braỽtỽyr y varnu
ac y datganu y y dadyl
pan uo reit. pob cof llys. a phob
deturyt gỽlat gan tỽg trỽydaỽ per+
ued y cofaỽduryon. a thỽg y saỽl a
duhuno ac ỽynt herwyd eu kytỽy+
bot. Cof llys. a deturyt gỽlat vn
rym ynt. ac nyt am yr vn peth y
perthynant. Cof llys am yr hyn
a vu yg|gỽyd llys y perthyn. Det+
uryt gỽlat gỽiryoned a dengys
y myỽn llys. am yr hyn a uu yn aỽs ̷+
sen llys. Trydyd aruer yỽ. kynhal
amser kyfreithaỽl y wneuthur
grym a chrynodeb y myỽn dadyl
| « p 64v | p 65v » |