LlB Llsgr. Ychwanegol 19,709 – tudalen 59v
Brut y Brenhinoedd
59v
yna yd atnewydir ỻuesteu godineb. ac ny orffovys+
sant. saetheu kebydyaeth o vrathu. ffynhavn eil·we+
ith a lenwir o waet. a|deu vrenhin a|wnant ornest am
y|ỻewes o ryt y vagyl. pop gỽerẏt a gynheicka. a
dynyolyaeth a beit a godineb. Pop peth o hyn teir
oes a|e gvyl. ẏnẏ datgudyer y brenhined cladedic
yg|kaer lundein. Eilweith yd ymchoel newyn a mar+
wolaeth y bobyl. ac o|diffeithvch y keyryd y dolury+
ant y kivdatwyr. Odyna y dav baeth y gyfnewit
yr hvn a gynnuỻ y gvasgaredigyon genuen·hoed
ar eu coỻedigyon porueyd. y vron ef a vyd bvyt
y|r rei eissywedic. a|e dauot ef a|hedycha y|sychedig+
yon. O|e eneu ef y kerdant auonoed y rei a weryn+
ant gvywon weussoed y dynyon. Odyna ar tvr ỻun+
dein y creir pren a their keig arnav. yr hvn a|tywyỻa
vyneb yr hoỻ ynys o let y deil. yn erbyn hvnnv y
kyfẏt gvynt y dvyfrein*. ac o|e enwir wythedigaeth
ef. ef a gripdeilha y dryded geig. y dvy a drickyo a ach+
ubant ỻe y diwreidedic yny dielwo y n·eiỻ y|ỻaỻ
o amyl·der y deil. Odyna y kymer yr vn le y dvy. ac
adar y teyrnassoed ereiỻ a gynheil. O|e wladolyon
adar y byd ar·gywedus. kanys ˄o ofyn y wasgavt y coỻ+
ant eu plant. E hvnnv y nessa assen enwired. buan
yg|gỽeith eur ỻesc yn erbyn cribdeil y bleideu yn
diwed hvnnv y ỻosgant y deri drỽy y|ỻỽyneu. ac yg
keigeu y|ỻỽyf y gvesgerir y|mes. Mor hafren drỽy
seith a·ber y ret. ac auon vysc drvy seith mis y kym ̷ ̷+
| « p 59r | p 60r » |