Llsgr. Bodorgan – tudalen 117
Llyfr Cyfnerth
117
entanuaen. Tri anhebcor kenedyl. penke+
nedyl. Ae dialỽr. Ae hardadlỽr. Teir kyfri ̷+
nach yssyd well eu hadef noc eu kelu. coll ̷+
edeu arglỽyd. A chynllỽyn ot adefir yg kyfri+
nach. Tri aneueil vn troedaỽc yssyd; he+
baỽc. A march. A milgi. Tri pheth ny the+
lir kyn coller yn ranty. kyllell. a chledyf.
a llaỽdỽr. kanys y neb bieiffont a dyly eu
kadỽ. Teir gauael nyt atuerir. dros led ̷+
rat. a thros vach ny chymhello. A thros
alanas. Teir sarhaet kelein. pan lather.
pan yspeilher. pan ythyer yn| y gorwed.
Tri pheth nyt reit atteb y eu perch ̷+
ennaỽc o·honunt o|r keffir ar fford. pedol.
A notwyd. A cheinhaỽc. Tri dyn y telir
gỽeli tauaỽt udunt. y arglỽyd. Ac yr
braỽtỽr pan amheuer am y varn. Ac y effe+
irat yn| y teir gỽyl arbenhic yn| y offerwisc.
uch pen y allaỽr neu yn darllein llythyr
rac bron y brenhin neu yn| y wneuthur.
Tri lle yg hyfreith hywel y mae praỽf
vn yỽ proui bugeilgi. Eil yỽ haỽlỽr bieu
profi vch pen bed y mach y vot yn vach.
Trydyd yỽ gỽreic bieu profi treis ar ỽr.
| « p 116 | p 118 » |