Llsgr. Bodorgan – tudalen 76
Llyfr Cyfnerth
76
gỽedy efferen. O|nos sadỽrn pasc gỽedy dat
dỽyrein. hyt duỽ pasc bychan gỽedy eff+
eren. O nos sadỽrn sulgỽyn gỽedy gosper
hyt duỽ sul y drindaỽt gỽedy efferen. ka+
ny dyly neb gofyn y|gilyd yn|y dieed* hy+
nny. Ny dyly neb kymryt mab y vach
heb ganhat y tat tra dylyo bot drostaỽ. na
mynach na braỽt heb ganhat eu habat.
Nac alltut. kanyt geir y eir ar gymro. Na
gỽreic. onyt ar yr hyn y medo arnaỽ. Nac
yscolheic yscol heb ganhat y athro. Y rei
hynny nyt mechni eu mechni onyt gan
ganhat y harglỽydi. O|r byd marỽ mach
dyn. Ac adaỽ mab o·honaỽ. y mab a dyly se+
uyll yn lle y tat yn| y vechni. Ny dyly neb
kymryt mach kynnogyn kanys deu ar+
delỽ ynt. Ac na dyly neb onyt dewis y ar+
delỽ. OS kynnogyn a dewis. nyt oes vach.
Os mach a dewis. nyt oes gynnogyn. Ac
ỽrth hynny ny eill neb seuyll yn vach ac
yn gynnogyn. Arglỽyd a uyd mach ar
pop da adefedic diuach. O|r canhatta y
kynnogyn yr mach rodi kywerthyd pu+
nt yg gỽystyl keinhaỽc. A chyn yr oet y
| « p 75 | p 77 » |