Llsgr. Bodorgan – tudalen 96
Llyfr Cyfnerth
96
a dyly bot ar ygnat. Mut a bydar drut a llaf+
ar vfyd ac ofnaỽc a goleithaỽc. Pỽy byn+
hac a| torho teruyn ar tir dyn arall; talet
tri buhyn camlỽrỽ yr brenhin. A gỽnaet
y teruyn yn gystal a chynt. O|r dywedir
ar ỽr o neb llu llad kelein; rodet lỽ deg
wyr a deu vgeint vn vreint ac ef y wadu
DEudyblyc uydant dirỽy [ llofrudyaeth
a chamlỽrỽ llys a llan. OS yn| y vyn+
went y gỽneir y kam. Os o dieithyr y vyn+
went y gỽneir y kam yn| y nodua; Seith
punt uyd meint y dirỽy. hanher dirỽy
llan a geiff yr abat o|r byd kyfrỽys yn lly ̷+
thyr ac ymoes eglỽys. Ar hanher arall a
geiff meibon lleyn yr eglỽys. sef y kyme+
rant ỽy uelly. pan del dirỽy neu gamlỽrỽ
y gan naỽdwyr y llan udunt. Ac nyt ar vre+
int offrỽm. namyn yn enwedic yr sant
y rodir y da hỽnnỽ. Ny daỽ kyfran yr ma ̷+
er nac yr kyghellaỽr o prit a del y teyrn dros
tir nac o tỽnc. nac o leidyr. O|r tyrr llong
ar tir escob; deu hanher uyd rỽg y teyrn
ar escob. Ac o|r tyrr llong ar tir y teyrn; y
teyrn ae keiff oll. Pan dycco kyfreith
| « p 95 | p 97 » |