LlGC Llsgr. 24049 (Boston 5) – tudalen 179
Llyfr Blegywryd
179
galanas arnaỽ. a|meicheu arnei. A|chẏn
talu ẏr alanas ẏ|dỽẏn o|e vam ẏ|tat arall.
ẏna ẏ|dẏlẏ ẏ|genedẏl ẏ|bu ef ar eu bre ̷+
int ẏgẏt ac ef talu ẏr alanas honno.
Ac ẏna ẏ|dẏlẏ estraỽn talu kẏmeint
a|braỽt neu gefenderỽ. A oes vn ag+
kẏuarch adefedic nẏ dẏlẏher ẏ|diuỽ ̷+
ẏn. Oes. o deruẏd ẏ dẏn vot da idaỽ gẏt
ac arall; a|e|treulaỽ ohonnaỽ heb gro+
es. heb wahard. nẏ dẏlẏir arnaỽ na
dirỽẏ na|chamlỽrỽ. namẏn ennill ẏ|r
dẏn ẏ da dracheuen. A|llẏna agkẏuar+
ch adefedic nẏ dẏlẏir dirỽẏ ẏmdanaỽ.
A Oes vn lle ẏ|dẏlẏir dienẏdẏaỽ dẏn
am letrat a|gỽarant idaỽ. Oes. o|r gei+
lỽ dẏn warant o offeirat. neu o|grefẏ+
dỽr arall. a bot hỽnnỽ ẏn baraỽt ẏ|gẏ+
mrẏt ẏ|lletrat o|e laỽ. nẏ dẏlẏir ẏ ro+
di idaỽ. ac ẏnteu ac urdeu duỽ arnaỽ.
A llẏna ẏ|lle ẏ|dẏlẏir dienẏdẏaỽ dẏn a
gỽarant idaỽ. A oes vn lle ẏ|dẏlẏho
affeithỽr talu mỽẏ no|r llofrud. Oes
o deruẏd ẏ|dẏn llad merch caeth. a|bot
affeithỽr idi. mỽẏ a|tal ẏr affeithỽr
ẏna no|r llofrud. A oes vn lle ẏ|dẏlẏho
| « p 178 | p 180 » |