LlGC Llsgr. 24049 (Boston 5) – tudalen 69
Llyfr Blegywryd
69
gẏuẏaỽn. Ac agheu. TRi edẏn nẏ dẏlẏ+
ir eu llad heb gannat ar|tir dẏn arall.
Eryr. A garan. A chicuran. Pỽẏ|bẏnnac
a|e llatho; talet dec a|deugeint arẏant
ẏ|berchennaỽc ẏ|tir. TRi pheth o|r keff+
ir ar fford nẏt reit ẏ|neb atteb ohonunt.
Pedol. A nnotỽẏd. A cheinnaỽc. TRi dẏn
nẏ dẏlẏir eu gỽerthu. LLeidẏr gỽedẏ bar+
ner ẏ|r groc. A chẏnllỽẏnỽr. A|bradỽr ar+
glỽẏd. TRi enỽ righẏll ẏssẏd; gỽaet
gỽlat. A garỽ gẏchwedẏl gỽas ẏ kẏn+
hellaỽr. A righẏll. TRi ergẏt nẏ thelir
dim ẏmdanadunt; ẏ|garỽ ẏn ẏt. Ac ẏ
ebaỽl gỽẏll ẏn ẏt. Ac ẏ|gi ẏn ẏt. TRi
chẏfrỽch dirgel ẏ dẏlẏ ẏ brenhin eu k+
affel heb ẏ ẏgnat. Gẏt a|e offeirat. a|ch+
ẏt a|e wreic. a|chẏt a|e vedẏc. Teir
notỽẏd kẏureithaỽl ẏssẏd; notỽẏd ẏ
medẏc. ẏ wniaỽ gỽelioed. A notỽẏd ẏ
penkẏnẏd ẏ|wniaỽ ẏ|cỽn rỽẏgedic.
Gỽerth pob vn o|r rei hẏnnẏ ẏỽ; pedeir
keinnaỽc kẏfreith. A notỽẏd gỽreic
kẏỽrein arall; keinnaỽc kẏfreith.
Teir kẏurinach ẏssẏd well eu hadef
noc eu kelu. Brat arglỽẏd. a|e golle ̷+
| « p 68 | p 70 » |