LlB Llsgr. Cotton Cleopatra A XIV – tudalen 63r
Llyfr Cyfnerth
63r
eiuyd heuyt. a thalet tri buhyn camlỽrỽ
yr brenhin. Or cledir pỽll odyn ar tir dyn
arall heb canhyat. talet y neb ae clatho pe+
deir keinhaỽc y perchenaỽc kyfreith y tir.
A thri buhyn camlỽrỽ yr brenhin. Y neb a
adeilho ty ar tir dyn arall heb y canhat.
talet tri buhyn camlỽrỽ yr brenhin. ar
ty a geiff perchenaỽc y tir a phedeir kein+
haỽc kyfreith o agori dayar os ar y tir y lla ̷+
daỽd guyd y ty. Onyt ar y tir y lladaỽd. tyg+
et ar y trydyd o wyr un vreint ac ef. A thor+
ret y ty y ymdeith yn gyuuỽch ar dayar a dy+
get y ar y dir kyn pen y naỽ·uet·dyd. Ac onys
dỽc perchenaỽc y tir bieiuyd.
E Neb a holho tir eglỽyssic nyt reit idaỽ
arhos naỽuetdyd namyn agori guir
idaỽ pan y mynho. Ny cheiff neb o parth
mam eissydyn arbenhic na sỽyd or byd ae
dylyho o parth tat. Jaỽn yỽ hagen y etiued
o parth mam caffel ran o tir. Gureic a| ym+
rotho e| hunan yn llỽyn ac ym perth heb
| « p 62v | p 63v » |