LlB Llsgr. Cotton Titus D IX – tudalen 49r
Llyfr Blegywryd
49r
ny cheiff ef dim o|rann y|wreic a|r|meibon.
Ebediỽ. a|dirỽy. a|chamlỽrỽ. Un dyn ny dy+
ly y|ty vot yn|varỽty kyt bo marỽ heb gy ̷+
myn. ygnat llys.
B Rawdỽr a|dyly gwarandaỽ yn llỽ+
yr; Cadỽ y|gofuaỽdyr. Dysgu yn
yn*|graff. Datkanu yn war. Bar ̷+
nu yn trugaraỽc. UN weith pob blỽydyn
y|keiff y|brenhin luyd o|e wlat y|orỽlat y ̷+
gyt ac ef. byth hagen pan|vo reit idaỽ y
lluydir y·gyt ac ef yn|y wlat e|hun. Y|gan
y|tayogeu y|keiff y|brenhin pynveirch yn|y
luyd. ac o|bop tayaỽctref y keiff gỽr. a|m ̷+
arch. a bỽyll y|wnneuthur y gestyll. ac ar
treul y|brenhin y|bydant.
N aw|ttei a|dylyant y|bilaeineit eu
hadeilat y|r brenhin. nyt amgen.
Neuad. ac ystauell. Kegin. Cappel.
Yscubaỽr. Odynty. Ystabyl. Kynnhorty.
Peirant. KYlch a|geiff meirch y brenhin.
a|r vrenhines. a|r gwassannaethỽyr y|ga+
yaf ar tayogeu y|brenhin. KErdoryonn
gỽlat arall; a gaffant gylch ar|vilaeine+
it. y·tra|uỽynt yn arhos eu rodyon y|gan
y|brenhin os dyry. Beth|bynnac a|dang+
osso y|dofurethỽyr y|r tayogeu y|delhỽynt
| « p 48v | p 49v » |