LlB Llsgr. Cotton Titus D IX – tudalen 55r
Llyfr Blegywryd
55r
deu drychauel. Os ar|y wyneb y|byd; gan|tri
drychauel. y telir.
O |R treỽir dyn ar y|benn hyny welher
yr emenyd. neu o|r brethir yn|y arch
hyny del yr amysgar y|maes. neu
torri ascỽrnn mordỽyt dyn. neu ascỽrnn bre+
ich. dros bop vn o|r rei hynny teir punt a|te+
lir idaỽ. kannys ym|perigyl o|e eneit y|byd
o|bop vn o|rei hynny. Hynn a|telir y|vrathedic
y bo reit idaỽ weith medyc. gyt a|e sarhaet. pedeir keinnaỽc dros badell y wn +euthur medyc +inaetheu idaỽ
pedeir keinnaỽc dros wer. keinnaỽc dros ol ̷+
euat beunoeth. a|cheinnaỽc dros vỽyt y|m+
edyc beunoeth. a|cheinnaỽc dros vỽyt y|bra+
thedic beunoyd. pedeir keinnaỽc cota a|te+
lir y dyn dros bop ascỽrnn vch creuan a|tyn+
her o benn o|r a seinho y|myỽn caỽc euyd.
O|bop ascỽrnn is creuan; pedeir keinnaỽc
kyureith a geiff. Kyureith a|dyỽeit bot yn
vn werth aelodeu pob dyn ae|gilyd. O|r|torr+
ir aelaỽt yr* brenhin y|uot yn vn werth
ac aelaỽt y|bilaein. ac eissoes mỽy yỽ gỽ+
erth sarhaet y|brenhin. neu breyr no sarha+
et bilaein o|r|thrychir* aelaỽt idaỽ.
E Neb a gnithyo dyn; talet y|sarha+
et yn gyntaf. kanys dyrchaf. a|go+
ssot yỽ sarhaet. a|cheinnaỽc yg
| « p 54v | p 55v » |