LlB Llsgr. Cotton Titus D IX – tudalen 59r
Llyfr Blegywryd
59r
reic yn llathrut hagen o anuod y|chennedyl;
ny eill neb y|hattỽyn o|e|hanvod rac|y|gỽr.
O|r lle y|bo y|hattlam y|telir y|hamobyr. Gỽr+
eic a|dyccer lathrut. ac ny wnnel amot
yg|gỽyd tyston ar|gaffel iaỽn o|gỽbyl; ny
cheiff herỽyd gỽyr gỽynned onnyt|tri ei ̷+
don. herỽyd gỽyr y|deheu hi a|gaffei gynt
y|hegỽedi yn|hollaỽl megys gỽreic a|darff+
ei y|chennedyl y|rodi y|ỽr. Y neb a|dycco ̷ ̷
morỽyn yn|llathrut. a|dyỽedut o|r|vorỽyn.
py|veint a|rodi di ymi. a|dyỽedut ohonaỽ
mi a|rodaf it y|veint honn. a|chadarnnhav hynny ar|y|gret. ac vch greireu. Os gỽatta ỽedy hynny. kymeret hi y creireu a|thyget. idaỽ ef adaỽ y veint honno. ac velly ny
eill ef dim yn|y herbyn. kannys credadỽy
yỽ y|thestolyaeth hi e|hinan yn|y lle|hỽnnỽ.
Y neb a|dycco treis ar wreic; y|hamobyr
a|e|dirỽy a|tal y|r arglỽyd. ac y|r wreic tal
y|sarhaet. a|e hegỽedi. a|e dilyssrỽyd. Os
gỽadỽ a|vynn y|gỽr. ac os kadarnnha y|ỽr+
eic yn|y erbyn. kymeret hi y|gala ef yn|y
llaỽ hi y|r asseu. a|r|llaỽ deheu ar|y|creir. a|th+
yget hi yr dỽynn treis ohonaỽ ef arnei hi.
ac velly ny eill ef dỽyn dim o|i|haun*. Y neb
a|ỽatto treissaỽ gỽreic. rodet lỽ degỽyr a|deu+
geint. neu dirỽy treis. Nyt oes yg|kyure+
ith hyỽel da; yspadu gỽr yr treissaỽ gỽreic.
TRi achaỽs ny|chyll gỽreic y|hegỽedi; kyt
| « p 58v | p 59v » |