Llsgr. Caerdydd 1.362 (Hafod 1) – tudalen 101v
Brut y Brenhinoedd
101v
agheu yỽ arglỽyd am na chaffei yr hyn yd oed
yn|y whenychu. A chany ỽydat peth a|wnaei;
aruer a oruc o geluydyt nyr clyỽssei eirioet.
nyt amgen no thrychu dryll o gehyr y vordỽyt.
a|e dodi ar ver; a|e ardymheru yn da. A|e rodi ar
gatwallaỽn. a|e yssu a oruc katwallaỽn gan ty+
bygu y mae kik eneueil gỽyllt oed. a ryuedu
a|wnaeth na ry|gassei* eirioet y ryỽ chỽeith a blas
y gaỽssei ar y golỽyth hỽnnỽ; Ac ar hynny eissoes
y dechreuis grymhau y annyan. Ac ar pen y try+
ded dyd yd oed yn iach. Ac yna dechreu a|wna*+
ethanth kyweiryaỽ eu llogheu. A drychauel hỽ+
yleu. A chymryt eu hynt. Ac y gaer gidalet
y doethant; y tir llydaỽ; ac odyna yd aethant
hyt ar selyf vrenhin llydaỽ. A|e erbyneit a oruc
Selyf idaỽ yn anrededus. Diua o|r saesson. amen.
A Gỽedy gỽybot o·honaỽ yr achaỽs yr dotho+
edynt yno adaỽ nerth a|wnaeth udunt;
A dywedut megys hyn. Dolurus yỽ genyf|ui.
etholedigyon gwyr jeueinc bot gỽlat an hen
tadeu ni gwedy y gwerescyn o estraỽn genedil
A chỽitheu gwedy aỽch dehol yn waradỽydus.
Ac ereill oc aỽch kenedyl yn gywarsanedic
y danadunt. A phob kenedyl yn aỽch kylch yn
amdiffyn eu gỽlat yn ỽraỽl. A ryued yỽ bot gỽ+
lat gystal ac ynys prydein na ellỽch chỽitheu
amdiffyn hi rac kenedyl satanas sef yỽ rei
hynny y saesson. Pan yttoed aỽch hentadeu
chwi a gwyr a* gwyr* y wlat hon yn|y gwarchadỽ
| « p 101r | p 102r » |