Llsgr. Caerdydd 1.363 (Hafod 2) – tudalen 190r
Brut y Brenhinoedd
190r
arall ed oedynt e brytanyeyt a chywdaỽdaỽl ter+
ỽysc a gwastat ryỽel er·ryngthvn e hỽneyn.
Ac gwedy dvhỽnaỽ e ssaysson a Godmỽnt. Wy+
nt a dechreỽassant ryvelv ar keredyc vrenyn
ac gwedy llawer o ymladeỽ wynt a|e ffoassant
ef o dynas pwy gylyd. hyt pan y gwarchayassa+
nt o|r dywed ef eng kaer wudey. ac eno e deỽth
attaỽ hysembard ney y lewys brenyn ffreync
ac e gwnaeth amỽot ac ef y amadaỽ o·honaỽ a|y cr+
ystonogayth ef hyt pan vey o kannorthwy Got+
mỽnt e galley entev goreskyn ffreync ar torr
y ewythyr. kanys ef a dywedey e mae kam e dvge+
ssyt y arnaỽ enteỽ ffreync. Ac o|r dywed gwedy ka+
ffael e dynas a|e losky kat ar ỽaes ar rodes y keredyc
a|e kymhell y ffo trwy hafren hyt eng kymry. Ac
en e lle anreythyaỽ e gwladoed ar dynassoed ac ev lo+
sky. ac ny orffowyssaỽd hyt pan dystrywaỽd haya+
ch er holl enys o|r mor pwy gylyd. y gyt a llad e me+
ybyon eyllyon ar effeyryeyt ar yscolheygyon ar
cledyfỽeỽ ac ar fflam en eỽ losky. ac e ỽelly en eỽ
kywarssanghỽ hyt e dayar. Ar hynn a alley k+
affael dyanc o·nadvn ffo a gwneyn hyt e lle e
keffynt dyogelỽch.
| « p 189v | p 190v » |