Llsgr. Caerdydd 1.363 (Hafod 2) – tudalen 27v
Brut y Brenhinoedd
27v
pob peth o hynny. anỽon a orỽc llyr kennat
at y brenyn ac at|y ỽerch ynteỽ
ar y tryỽgeynỽet marchaỽc
gwedy ry dyhol o|e deỽ dofyon o ynys pryde+
yn yn dy·anrydedỽs ac yn dyỽot y keyssyaỽ p+
orth y ganthỽnt y orescyn y kyỽoeth tr·chevyn.
A|phan kygleỽ y brenyn hynny kychwyn a w+
naeth ef a|e wreyc a|e teylỽ o|e erbyn yn anryded+
ỽs mal yd oed teylwng erbynnyeyt gwr kyf+
ỽrd ac ef ac a ỽey yn ỽrenyn yn kyhyt ac y bỽas+
sey yntev. A|hyt tra wu ynteỽ yn ffreync y rodes
y brenyn ydaỽ llywodraeth holl teyrnas ffrey+
nc hyt tra ỽydynt wynteỽ yn kynỽllav llv y+
daỽ ef ỽrth orescyn y kyỽoeth e hỽn ydaỽ.
AC yna yd anvonet Gwys tros teyrnas ffr+
eync y kynvllav y holl ỽarchogyon arỽaỽc
ỽrth eỽ hellwng y gyt a llyr y orescyn ynys p+
rydeyn ydaỽ tracheỽyn. Ac|gwedy bot pob
peth yn paravt kychwyn a orvc llyr a|chorde+
ylla y ỽerch ygyt ac ef ar llw hỽnnỽ kanthvnt
hyt pan deỽthant hyt|yn ynys prydeyn. Ac|yn
dyannot ymlad yn erbyn y dofyon a orỽc a
| « p 27r | p 28r » |