Llsgr. Caerdydd 1.363 (Hafod 2) – tudalen 5r
Brut y Brenhinoedd
5r
Grym a synhwyr y llythyr hỽnnỽ ryỽedỽ
a orỽc yn wuy no meynt llaỽassỽ o|r nep ar ry+
sey yn|y keythywet ef yn kyhyt ac y bỽessynt
wy llaỽassỽ anỽon yr ryw orchymyn hỽnnỽ
attaỽ ynteỽ. Ac yn dyannot o kyghor y wyrda
kynỽllaw llu a orỽc a mynet yn eỽ hol. Ac gwedy
mynet yr dyffeyth y tebygassey ef eỽ mynet ydaỽ
ac yn kerdet hep y kastell a elwyt espartanỽm. brỽ+
tỽs a theyr myl o wyr ymlad y gyt ac ef yn dyssyỽyt
ac eỽ kyrchỽs. kanys pan kygleỽ ef eỽ bot yn dyỽ+
ot hyt nos y dothoed ynteỽ a hynny o nyỽer y gyt ac
ef yr kastell hỽnnỽ. Ac eỽ kyrchỽ a orỽc gwyr tro ac
emrodi y wneỽthỽr aerỽa o|r groegwysson. Ac yn
y|lle kyllyaỽ a gwnaethant gwyr groec a gwaskarỽ
a ffo paỽb megys y kaffey kyntaf ac eỽ brenyn yn eỽ
blaen. a chyrchỽ a orỽgant yr aỽon a elwyt akalon
ac yn bryssyaỽ tros honno llawer onadỽnt a|ỽodassant
kanys brỽtỽs a|e nyỽer oed yn eỽ kymell. Ac wrth hyn+
ny ran onadwnt a ledyt ar y tyr sych. ar rann arall a
kymellyt y eỽ body. ac yỽelly deỽ·deplyc agheỽ a ym+
dangossey ỽdỽnt. Ac gwedy gwelet o antygonỽs
| « p 4v | p 5v » |