Llsgr. Caerdydd 1.363 (Hafod 2) – tudalen 93r
Brut y Brenhinoedd
93r
ỽrenyn. ereyll a ỽynnynt vther pendragon. er+
eyll a vynnynt ethol ereyll oc eỽ kenedyl. Ac|o|r dy+
wed gwedy na kytsynhynt namyn vn val hynn
arall evelly. nessaỽ a orvc gortheyrn gortheneỽ ty+
wyssavc ergyng ac|evas er hvnn a oed o|e holl lafvr
en keyssyaỽ e ỽrenhynyaeth ydaỽ e|hỽn. a dyỽot hyt
kaer wynt at constans vanach map cỽstennyn vend+
ygeyt a dywedvyt wrthav val hynn. Marv ep ef yw
de tat ty. a|th vrodyr tythev rac bychanet ev hoet ny
allan bot vn onadvnt en vrenyn. ac|ny welhaf ynheỽ
nep arall o|th kenedyl ty a dyly o bot en vrenyn. Ac|w+
rth henny o mynny ty bot vrth vyngkynghor y. ac
anghwanegv vy medyant y am kyvoeth. mynhev a
ymchwelaf wynep e pobyl y|th ethol ac y|th vrdav ty
en vrenyn. ac o|r ryw abyt honno ket|boet gwrthwyn+
ep gan e vrdas. de tynnv o·honey my a|th gwnaf en vr+
enyn. Ac|gwedy klybot o constans er amadrodeỽ h+
ynn dyrỽaỽr lewenyd a kymyrth endav. a|thyng+
hỽ ydaỽ en kadarn pa peth bynnac a ỽynney y ka+
ffey. Ac en dyannot gortheyrn a|e kymyrth ac a|e
gwyscỽs o vrenhynaỽl advrn ac a|e dvc hyt en
llvndeyn. ac eno ar ar* pobyl o vreyd en|y kanhy+
| « p 92v | p 93v » |