Rhydychen, Llsgr. Coleg yr Iesu 20 – tudalen 52r
Saith Doethion Rhufain
52r
chi dihenydyaỽ y mab a doethon rufen
y·gyt ac ef. Ac yna y kyuodes mal+
quidas y vyny gỽr aduỽynbrud oed
hỽnnỽ a dywedut val hynn. Arglỽyd am+
heraỽdyr heb ef. os o annoc dy wreic
a|e chuhudet y pery dihenydyaỽ dy uab
ef a|th somir. val y sommes y bleid y buge+
il. Pa wed vu hynny heb yr amheradyr.
Ny|s managaf o·ny rody dy|gret na
dienydyer y mab hediỽ. Na dihenydyir
myn vyg|cret a manac ym dy chwedyl.
L lyma y chwedyl heb ef. namyn
dinas kyuoethaỽc kadarn a oed
yn|y dỽyrein. a seithwyr kymhendoeth
synhỽyrys a oedynt yn kadỽ ac yn lly+
wyaỽ y dinas. Ac nyt yn|y kaerwyr
a|r dinaswyr yd|oed gedernet y dinas.
namyn yn doethineb y gwyr a|e kym*+
kendaỽt. Ac yn hynny y doeth brenhin
creulaỽn cadarn y geissyaỽ goresgyn
y dinas. A gwedy eisted yn|y gylch a
| « p 51v | p 52v » |