Rhydychen, Llsgr. Coleg yr Iesu 20 – tudalen 58r
Saith Doethion Rhufain
58r
aruoel oed yr herỽr. Minneu a wnaf
hỽnn yn aruoel heb hi. a chymryt penn
y gỽr y·rỽng penn y deulin hi a|e deu+
troet ỽrth y dỽy ysgỽyd. na gỽreic
yn kneifyaỽ na gỽr yn eiỻyaỽ ny
bu yr vn gynt yn hunyo penn y gỽr
no hi. Ac ar vyrder o|e dal hyt yn v+
chafyon y iat. nyt edewis vn blewyn
heb y dynnu ymeith. mỽy noc y ge+
deu y mymrenn·yd ar y mem·rỽn. A
gwedy daruot idi hynny hi a erchis y|r
marchaỽc y grogi. ỻyma vyg|cret
heb ef na|s crogaf ac na|s crogy di+
theu. A phettut vn wreic di o|r byt ny
mynnỽn i dim o·honat ti. kanys pann
vydut ti mor aghywir a hynny ỽrth y
gỽr a|th briodes yr yn verch. ac a|duc
y adoet o|th garyat. ys|aghywir a beth
vydut ti y|mi heb welet golỽc arnaf
eiryoet hyt heno. Ac am hynny dos di
y fford y mynnych ỽrth na mynnaf i dy+
| « p 57v | p 58v » |