Breudwd Rhyddiaith Gymraeg 1300-1425
English

Rhydychen, Llsgr. Coleg yr Iesu 57 – tudalen 166

Llyfr Blegywryd

166

ac ony byd ueỻy ny byd teithiaỽl. ac ony byd tei+
thiaỽl. atueret y neb a|e gỽertho. traean y werth
y|r neb a|e pryno. Y neb a dalo. neu a|wertho ỻo
neu dinaỽet. meichet dros y dilysrỽyd. a|bit dros
deu glefyt. rac y dera dri dieu a|their·nos. Rac y
clafri o wyl yr|holseint hyt wyl badric. Y neb y
del idaỽ ny dyly eu|dỽyn ym|plith aniueilyeit
clafỽr. nac y ty y bei aniueilyeit clafỽr yndaỽ
seith mlyned kynno hynny. Y neb a|lado ani+
ueil dyn araỻ yn|y vuarth yn|ỻedrat. a hynny
ar honneit. talet yn|deudyblic. ac os gỽatta
gỽadet ar y pedwyryd ar|hugeint o|e gyfnes+
safyeit. Y neb a gymero abo ỻỽdyn dyn araỻ
heb y gannyat. talet drostaỽ lỽdyn araỻ un
ryỽ ac vn werth ac ef. a|thri|buhyn camlỽrỽ|y|r
brenhin. Y neb a|gyỻeỻo aniueil marỽ y dyn
araỻ. talet aniueil un·ryỽ ac ef drostaỽ. a|thri
buhyn camlỽrỽ y|r brenhin.  ~ ~ ~  
G werth ebaỽl o|r pan anher hyt aỽst.
pedeir keinyaỽc kyfreith. hyt galan racuyr;