Rhydychen, Llsgr. Coleg yr Iesu 57 – tudalen 23
Llyfr Blegywryd
23
vraỽdỽr namyn y neb a dysger ual|hynny
neu a vo kyfarwyd myỽn kyfreith. ac a|dyg+
ho ual hỽnnỽ na|barno cam·varn yn|y vywyt.
Tri|pheth a|berthyn ỽrth vraỽdỽr. vn yỽ; diỻỽg
kyfarcheu ỽrth reit y brenhin. Eil yỽ datka+
nu a|dosparth kynhenneu myỽn ỻys. Trydyd
yỽ; yr hynn a dospartho trỽy varn. y gadarn+
hau trỽy wystyl a braỽtlyuyr ot ymwystlir ac
ef. neu os gouyn y brenhin idaỽ heb ymw+
O |R deruyd rodi braỽt ar [ ystlaỽ.
dyn. ac amheu y vraỽt o|r neb y bar+
nỽyt arnaỽ. mal y bo dir y|r neb a|e barnaỽd
y deturyt. a|bot ỻawer o ygneit ỽrth hynny.
a damchweinaỽ amrysson pỽy a|dylyo
y deturyt o·nadunt. kyfreith a|dyweit mae
y braỽdỽr a|e barnaỽd a|e heturyt. Sef a+
chaỽs yỽ hynny. ỽrth berthynu bot yn
gredadun geireu braỽdỽr yn detvryt bra+
ỽt amheuedic rỽng haỽlỽr ac amdiffynnỽr.
am na pherthyn y vot yn bleit y|r defnyd
| « p 22 | p 24 » |