LlGC Llsgr. Llanstephan 27 (Llyfr Coch Talgarth) – tudalen 12v

restỽng dan y draet ef etto. kanys y maent yr idewon yn gỽat+

twar amdanaỽ. a|r sarassinyeit yn|y geỻweiryaỽ. a|r rei yssyd

a cham·gret ganthunt yn|y dryỻyaỽ. a|r rei drỽc yn ymlad ac

ef. ac ueỻy yn|y aelodeu e|hun y mae beunyd yn diodef. pan

gynnuỻyo ef oỻ hynny attaỽ. yna y keiff ef y gyflaỽn lewe+

nyd. discipulus Pa|delỽ y mae yr eglỽys yn gorff idaỽ ef a|r etholedigy+

on yn aelodeu idaỽ. Magister Megys y mae y corff yngglyn ỽrth y

penn. a|r penn yn ỻywyaỽdyr arnaỽ. veỻy y mae yr eglỽys

drỽy leindit corff crist gỽedy ry gyssyỻtu ỽrthaỽ ac yn vn ac  ̷

ef. a phaỽp o|r rei kyfyaỽn yn|y vrdas ef megys aelodeu. a|r

penn hỽnnỽ yn eu ỻywyaỽ. ỻygeit y penn hỽnnỽ ynt y proffỽ+

ydi a|dywedassant y petheu rac|ỻaỽ. a|r ebystyl a|dugant ere  ̷+

iỻ o fford gyfeilyorn y oleuni gỽirioned. Y clusteu ynt y rei

a warandaỽont. Y ffroeneu ynt y doethyon dosparthus. Y

gỽlybỽr a vyrir ymeith o|r ffroeneu ynt. y dynyon a cham·gret

ganthunt a|vyrir trỽy varn y doethyon o|benn crist. Y danned

ynt. ysponwyr yr ysgrythur lan. Y dwylaỽ ynt. amdiffynnwyr

yr eglỽys. Y traet ynt. y ỻauurwyr yssyd yn porthi eglỽys

duỽ. Y deil ynt y treiswyr yssyd yn gorthrymu dynyon gỽirion

ac a|vyrir aỻan o groth yr eglỽys o|e ỻyngku o|r dieuyl ỽynt drỽ  ̷+

y eissiwet ac angeu. megys y|ỻỽngk y moch y soec. a|r budred

a|r corff hỽnnỽ a gyssyỻtir y·gyt yn vn. o ysgraỽling caryat.

discipulus Paham y gỽneir y gorff ef o|r bara a|e waet o|r gỽin Magister Y gorff

ef a|wneir o|r bara am dywedut ohonaỽ bara byỽ ỽyf|i. Y wa+

et ynteu o|r gỽin am ry dywedut ohonaỽ. gỽir winwyden

ỽyf|i. ac megys y megyr y gorff ef o|r bara. veỻy y porthir

yr eneit o vỽyt nefaỽl. a megys y gỽneir y bara o|r graỽn