LlGC Llsgr. Llanstephan 27 (Llyfr Coch Talgarth) – tudalen 130r
Ystoria Bilatus
130r
ac eissoes y medylyaỽd y brenhin nat oed da deudyblygu enwi+
red o|r vn. namyn y anuon yng|gỽystyl dros deyrnget a|dyly+
ei wyr ruuein idaỽ bob blỽydyn. kanys da oed ganthaỽ dianc
y vab heb y dihenydyaỽ a|e rydhau heuyt o|r deyrnget. Ac yn
yr un amser hỽnnỽ yd oed uab y vrenhin ffreingk yng|gỽys+
tyl dros deyrnget gan wyr ruuein. A gỽedy ymgedymdeitho+
kau o·honunt y gỽeles pilatus ragoreu hỽnnỽ a|e dedyfeu yn
uỽy noc efo. ac o annaỽc kynghoruynt heuyt y ỻadaỽd ef
hỽnnỽ. a gỽedy medylyaỽ o|wyr ruuein pa beth a|wneynt
amdanaỽ y dywedassant. Os hỽnn heb ỽy a adỽn ni yn vyỽ
gỽedy ỻad y vraỽt o·honaỽ. a ỻad mab brenhin ffreingk he+
uyt. ef a|r aỻei vot yn gryno yng|gỽyd gỽyr ruuein aryfhau
y dyn ynuyt hỽnn. kanys dihenyd a|haedaỽd. y anuon ef y
ynys bont yn vraỽdỽr ar y bobyl ny diodefassant vraỽdỽr
arnunt eiryoet. Ac vn o|deu·peth a|deruyd idaỽ yno. ae efo
a warhao y bobyl wyỻt honno. ae ynteu a|dihenydyer yn
haededic. ac yna yd anuonet pilatus att y genedyl dywal a
ladyssynt eiryoet y braỽt·wyr. ac ynteu a adnabu a|oed yn|y
erbyn. ac yn ystryw·ys dy·gymot ac ỽynt a|oruc. a chadỽ y
vuched yn eu plith. a|r genedyl ennwir honno a darestyngaỽd
ef weitheu o vygytheu. weitheu ereiỻ o datolỽch yn hegar. we+
itheu o boen. weitheu o rodyon. ac ỽrth oruot o·honaỽ ar ge+
nedyl mor anhegar a honno. y gelwit ef o hynny aỻan pilatus
o ynys bont. A phan gigleu eraỽdyr greulaỽn ystrywyeu pi+
latus. ỻawen vu ganthaỽ. kanys ystrywys oed ynteu. a|e
wahaỽd attaỽ a|wnaeth. a rodi medyant idaỽ ar wlat iudea.
a chaerussalem kymeint ac a|oed idaỽ e|hun. a gỽedy kyn+
| « p 129v | p 130v » |