LlGC Llsgr. Llanstephan 27 (Llyfr Coch Talgarth) – tudalen 69r
Buchedd Dewi
69r
nu y benn y brynn. a|dywedut na mynnei ef le y sefyỻ
o·nyt ar y ỻaỽr gỽastat. a|dechreu pregethu odyno a|oruc
dewi o gyfreith grist a|r euengyl. a|hynny megys ỻef corn
eglur. ac yn amlỽc hynny y bop dyn. y|r peỻaf yn gyn eglu+
ret ac y|r nessaf. ac yn gyffredinet ac y bydei yr|heul y baỽp
pan vei hanner dyd. a|hynny a|vu ryued gan baỽb. A|phan
yttoed dewi ar warthaf y ỻaỽr gỽastat a dywetpỽyt uchot
yn pregethu y kyuodes y ỻaỽr hỽnnỽ megys mynyd uchel
dan y draet ef. a|phaỽb o|r gynnuỻeitua honno yn|edrych
ar hynny. yr|hỽnn yssyd etto yn vrynn uchel yn amlỽc
gan baỽp. ac yn wastattir o bop parth idaỽ. a|r gỽyrth a|r
ryuedaỽt hỽnnỽ a|oruc duỽ yr dewi yn ỻann dewi vrefi. Ac
yna yn|gyttuun y·ryngthunt e|hunein moli dewi sant a|o+
rugant. ac adef yn gyfun y uot ef yn tywyssaỽc ar seint y ̷+
nys brydein gan|dywedut ual hynn. Megys y rodes duỽ ben+
nadur yn|y mor ar bop kenedyl o|r|pysgaỽt. a megys y rodes
duỽ bennadur yn|y daear ar yr adar. veỻy y rodes ef dewi
yn bennadur ar y|dynyon yn|y byt hỽnn. Ac yn|y mod y rod+
es duỽ matheus yn iudea. a|lucas yn alexandria. a christ
yng|kaerussalem. a|phedyr yn ruuein. a martin yn|ffreingk.
a sampson yn ỻydaỽ. y rodes y dauyd sant uot yn ynys pryde+
in. Ac ỽrth hynny y gỽnaethpỽyt dewi sant yn bennadur ac
yn tywyssaỽc ar seint ynys prydein. am bregethu o·honaỽ yn|y
sened uaỽr honno y|r hoỻ bobyl yn yr honn ny aỻaỽd neb pre+
gethu namyn efo. A|r|dyd hỽnnỽ hoỻ seint yr ynys honn a|r
brenhined oỻ a ostyngassant ar eu glinyeu y adoli y dewi.
ac a|rodassant idaỽ vot yn|bennaf ar seint ynys prydein. ac
| « p 68v | p 69v » |