LlGC Llsgr. Llanstephan 4 – tudalen 11v
Chwedlau Odo
11v
ỻad ac yn|dinustyr eu plant a|e kedym+
deithon. Ac yna dy·gynnuỻ y gynghor attaỽ
a|oruc y ỻeỽ. ac ym mysc yr aniueileit go+
uyn a|oruc y ỻeỽ y|r moch paham y gedynt
y bleid yn eu plith ac ynteu yn ỻeidyr
ac yn dreisswr. Ac yna yd|attebassant
y moch. Arglỽyd vrenhin heb ỽynt. ani+
ueil hael kỽrteis yỽ y bleid. a|hynny
a dywedassant ỽy o achos pan ladei y
bleid y deueit a|r wyn ef a wahodei y
moch y vỽyta ˄eu rann o|e|ysgauael. ac
yna y|dywaỽt y ỻeỽ. Nyt veỻy y dyỽ ̷+
eit y deueit. Gỽarandaỽer ỽynteu be+
ỻach. ac yna y dywaỽt vn o|r deueit.
arglỽyd vrenhin y bleid a|ladaỽd vy
mam i a|m tat. a heuyt a ladaỽd vn o|m
plant. ac o|vreid y diengheis inneu. Ac
veỻy y|dywedassant y deueit oỻ. ac
yna y|dywaỽt y ỻeỽ. Minneu a rod+
af varn beỻach. Crocker y bleid am
y ledrat a|e gribdeil. a|r moch ygyt ac ̷
ynteu am eu kytundeb ac eu|kynnal
trỽy ffalsed ac enwired. a hynny a ̷
wnaethpỽyt. Deaỻ y darỻeaỽdyr.
E ỻygoden gynt a vynnei vynet
dros ryỽ auon. A|phan yttoed
| « p 11r | p 12r » |