LlGC Llsgr. Llanstephan 4 – tudalen 47r
Purdan Padrig
47r
marchaỽc yn eu|tremygu. Sef a|wnaeth+
ant ỽynteu y achub ef yn aruthyr. a
rỽymaỽ y dỽylaỽ a|e draet a chyweiraỽ
tantaỽt* vaỽr yn|y|ty. ac yn|y gynneu
honno y bỽryassant ỽy y marchaỽc
yn rỽym. ac a|bacheu heyrn y dynnu
hỽnt ac ymma trỽy y tan y·dan leuein.
Pan vỽrywyt ef gyntaf yn|y tan trỽm
oed ganthaỽ y boen. A phan goffaaỽd ef
dechreu ymgadarnhau yn|duỽ y vrenhin
ef. ac ymgyweiryaỽ yn arueu yspryda ̷+
ỽl a milỽryaeth o newyd mal y dysgassit
ny bu dim ganthaỽ y boen. A phan
vu aruthyr ganthaỽ y vot yn|y tan
y gelwis enỽ Jessu grist. ac ar hynt y
rydhawyt ef o|r|tan hwnnỽ megys o|r
kyrch kyntaf a|duc y diefyl idaỽ. ac
mal y gelwis ef enỽ y gỽaraf iach+
ỽyaỽdyr. ar hynt y diffodes y˄r hoỻ gyn+
neu hyt na cheffit vn wrychyonen
ohonei. Pan weles y marchaỽc hyn+
ny glewach vu yn|y vryt yn wastat
hyt na bei arnaỽ ofyn y diefyl. Od+
yna kan gỽeles ef gaỻu eu goruot
ỽy mor haỽd a galỽ glan enỽ Jessu;
Odyna y diefyl a|adaỽssant y ty
| « p 46v | p 47v » |