LlGC Llsgr. 3036 (Mostyn 117) – tudalen 172
Brut y Brenhinoedd
172
iwerdon y|gyrchu y mein y treis y arnaỽ. Ac ỽrth hyn+
ny ymaruoll a|wnaethant ar dyuot ygyt ynys
prydein y|geissaỽ y gorescyn ar torr emreis wledic.
A guedy bot eu llogeu yn paraỽt. kychwyn a|wna+
ethant parth ac ynys prydein. A dyuot vynyỽ yr tir.
A phan gigleu emreis hynny. Sef a|wnaeth anuon
vthyr pen·dragon ac amhylder o lu aruaỽc gantaỽ.
hyt yg kymry ỽrth ymlad ac|ỽynt. kanys cleuy+
chu ar wnathoed emreis o ỽrthtrỽm heint. mal
na allassei dyuot yr lluyd hỽnnỽ. A phan gigleu
pascen a gillamỽri ar saesson a|oed gyt ac ỽynt.
bot emreis yn glaf. llawenhau a|wnaethant yn
vaỽr o tebygu bot yn haỽd udunt gorescyn yr ynys
o|r achaỽs hỽnnỽ. A hyt tra yttoed y godỽrd hỽn+
nỽ ar murmur yn|y llu. dynessau a oruc vn o|r sa+
esson a elwit eoppa ar pascen. vab gỽrtheyrn. A dy+
wedut ỽrthaỽ val hyn. Py veint o da heb ef a|rod+
ut ti yr neb a|lathei emreis wledic. Ac yna y|dy+
waỽt pascen ỽrth eoppa. Dioer heb ef. pei caffỽn
i dyn a allei wneuthur a dywedy ti. mi a|rodỽn id+
aỽ teir mil o punhoed aryant. Am karyat inheu
am ketymdeithas tra vehỽn vyỽ. Ac ygyt a hyn+
ny os y tyghetuen a rodei i|minheu aruer o goron
teyrnas ynys; mi a|e gỽnaỽn yn iarll kyfoethaỽc.
A hynny trỽy aruoll a gadarnhaỽn. Ac yna y dy+
waỽt eoppa ỽrth pascen. miui a dysceis ieith y bry+
tanyeit. A mi a|ỽn eu moes ac|eu deuat. Ac ygyt
| « p 171 | p 173 » |