LlGC Llsgr. Peniarth 11 – tudalen 120v
Ystoriau Saint Greal
120v
A gỽedy y|dyuot y|r fforest ef a|gyfaruu ac ef garỽ. a|gỽedy y
y* gyfaruot ac ef ynteu a|e hymlidyaỽd bedeir miltir* kymreic.
yny|doeth y lannerch yn|y|ỻe yr|oedynt yn ymlad deu uarcha ̷+
ỽc urdaỽl. y neiỻ a|oed a|tharyan goch idaỽ. a|r ỻaỻ a|tharyan
wenn. yna ysgaelussaỽ hely y karỽ a|oruc paredur. ac edrych
ar y gỽyr yn ymguraỽ. ac o|r|diwed ef a|welei y marchaỽc a|r
daryan goch yn goruot ar y ỻaỻ. ac ar hynny kymryt vn o|e
aflacheu a|wnaeth paredur. a bỽrỽ y marchaỽc a|r|daryan
goch yn gyn|ffestet ac yny oed y gaflach drỽy y arueu. a|thrỽy+
daỽ ynteu. yny vyd dan draet y varch yn uarỽ y|r ỻaỽr. a|ỻaw+
en vu gan y marchaỽc a|r daryan wenn hynny. a|gouyn a|w+
naeth y paredur a|oed|digassed o|r byt y·ryngthunt. Nac oed heb+
y paredur. namyn tybyeit nat oed dim a veuei* ar y arueu. Ac
yna kymryt y varch a|oruc paredur. a mynet adref att y dat
yr hỽnn a|vu drist ganthaỽ pan gigleu hynny o chwedleu. a
iaỽn oed idaỽ vot yn drist. kanys ỻawer o boen a|gafas o|r
achaỽs hỽnnỽ kynn y varỽ. gỽedy hy·nny y mab a|aeth ym+
eith y ỽrth y vam a|e dat. a|pha|hyt bynnac y bu y mab yn ker ̷+
det ar|hyt byt ef a|doeth y lys arthur. ac a|wnaethpỽyt yn var ̷+
chaỽc urdaỽl. Gỽedy hynny ef a|aeth ymeith o|r ỻys y geissyaỽ
anturyeu. ac yd ỽyf inneu yn|y geissyaỽ ef ym|pob ỻe. ac os
gỽely di ef arglỽyd yn vn ỻe. ỻyna y ryỽ arueu yssyd idaỽ
taryan goch a|ỻun karỽ gỽynn yndi. a dywet idaỽ arglỽyd
varỽ y dat maeth. a|bot y vam yn coỻi cỽbyl o|e chyuoeth
ony daỽ ef o|e nerthau. kanys braỽt y|r|gỽr a|ladaỽd ef a|e
aflach yssyd yn ryuelu arnei y·gyt ac arglỽyd y corsyd.
| « p 120r | p 121r » |