LlGC Llsgr. Peniarth 11 – tudalen 41v
Ystoriau Saint Greal
41v
ac ef ychweith. namyn cussanu y draet. A gỽneuthur y ỻew ̷+
enyd mỽyhaf ag aỻaỽd parth ac attaỽ. Pan weles peredur
nat oed y|mryt y ỻeỽ neuthur* idaỽ dim drỽc. yna ef a roes y
gledyf yn|y wein. ac a vỽryaỽd y daryan y ỽrthaỽ yn ỻosgedic
ac a|dynnaỽd y helym y am y benn y gymryt gỽynt rac
meint o wres a|gaỽssoed y ỽrth y pryf. a|r ỻeỽ vyth yn gỽ+
neuthur y ỻewenyd mỽyhaf ac aỻei idaỽ. Pan|weles peredur
ef ual|hynny. ynteu a|orỻyfnaỽd y benn. dan dywedut. duỽ a
anuones yr aniueil hỽnn yr kynnal kedymdeithyas a|mi.
A C ueỻy yn hyt y|dyd y bu beredur yno yny vu bryt
naỽn hỽyr. Ac yna y ỻeỽ maỽr a|gymerth y bychan
ar y|gevyn ac a|aeth ymeith. A phan|weles peredur y vot
e|hun yno ny bu digrif iaỽn ganthaỽ. ac nyt oed ryued. ~
Eissyoes da oed y obeith ef yn duỽ. ac nyt oed yn|y byt yn|yr
amser hỽnnỽ ỽr weỻ noc ef. a hynny|oed ganthaỽ yn erbyn
aruer y wlat. kanys yn|yr amser hỽnnỽ kyndrỽc oed y defa+
ỽt yng|gwlat gymry. ac o|r bei y tat yn glaf yn|y wely. ef a|deu+
ei y mab idaỽ ac a|e tynnei o|r gỽely dan y lusgaỽ aỻan. ac a|e
ỻadei. ac ueỻy heuyt y gỽnaei y tat am y mab. a|hynny rac
ovyn ỻiwiaỽ a dannot udunt eu marỽ ar weỻt eu gỽely. A
phan welet y tat yn ỻad y mab. a|r mab yn ỻad y tat yn|y
mod hỽnnỽ. Yna ef a|aei baỽp yn aruaỽc y dỽneimyeint*
ac y ymladeu ac ueỻy y|ỻedit ỽynt. ac o|achaỽs eu|ỻad my+
ỽn arueu y|dywedit eu bot yn wyr bonhedigyon. A gỽedy
bot peredur yno tra vu dyd yn|disgỽyl a|welei ae|ỻong ae
bat yn kerdet ar y mor. ef a|doeth nos arnaỽ. ac ynteu a
| « p 41r | p 42r » |