LlGC Llsgr. Peniarth 190 – tudalen 181
Ymborth yr Enaid
181
amgen. y tri ryỽ da a rodes duỽ y dyn. Sef
ynt y rei hynny. da anyanaỽl. a|da|dam+
chweinyaỽl. a|da ysprydaỽl. Am|da any+
anaỽl y megyr balchder. Megys am gryf+
der. neu degỽch. neu deỽrder. neu huolder
ymadraỽd. neu lef. neu ethrylith. Sef yỽ
da|anyanaỽl. kampeu a rodo y anyan y
dyn. am|da damchỽeinyaỽl y megyr balch+
der. Megys am geluydyt. neu wybodeu.
neu gyuoeth. neu enryded. neu deilyngda+
ỽt. neu voned. neu* voned*. neu garyat gỽyr
maỽr. neu ganmaỽl gỽyrda. neu amylder
gỽisgoed gỽerthuaỽrussyon. kanys dam+
chỽeinyaỽl yỽ pob vn o hynny. a da dam+
chweinaỽl yỽ yr hỽnn a|del o damchỽein.
Am|da pressennaỽl ratlaỽn heuyt y megyr
balchder. Megys am vfuddaỽt neu anmy+
ned. neu warder neu uonedigeidrỽyd. neu
arafỽch. Sef yỽ da ysprydaỽl ratlaỽn.
nertholyon gampeu ysprydolyon a rodo
yr yspryt glan y|dyn. A megys y megyr
| « p 180 | p 182 » |