LlGC Llsgr. Peniarth 190 – tudalen 187
Ymborth yr Enaid
187
ac vn yssyd bop peth. kanys ohonaỽ y|mae
pop peth yn|dyuot. a thrỽydaỽ ef y daỽ pob
peth. ac yndaỽ y tric pob peth megys y|dyỽ+
eit paỽl ebostol. Kyffelybrỽyd y hynny a|eỻ+
ir y gymryt ar gylch crỽnn pedwar kong+
laỽc. a|eỻit y ysgythru ual|hynn nyt am+
gen. Gỽneuthur kylch crỽnn ar|weith
O. Ac yn|y kylch hỽnnỽ ysgythru. a. yn
tri·chonglaỽc. Ac yn|y gongyl vchaf o|r a
ysgythru duỽ dat. yn|y gongyl issaf ar y
deheu. ysgythru mab duỽ. Sef yỽ hỽnnỽ
Jessu grist. yn|y gongyl araỻ o|r|tu assỽ
ysgythru yr yspryt glan ar ffuryf colo+
men yn gyflaỽn o|dan yr hỽnn a|arỽyd+
ockai karyat annỽylserch yssyd yn|keniret
serchaỽl garyat y|tat ar y|mab. a|r mab
ar y|tat. O ỻythyren gronn yỽ. heb na de+
chreu na|diwed arnei. kanys ympob ỻe ar+
nei y keffir dechreu a diwed. a hỽnnỽ a|ar+
ỽydockaa vn·dwyỽolder y teir person. Yn|y
van vchaf o|r kylch hỽnnỽ yn|y ỻe y|mae y
| « p 186 | p 188 » |