LlGC Llsgr. Peniarth 190 – tudalen 262
Penityas
262
ac a becheis dan obeith madeueint. ac a|wat+
twereis am y rei a welỽn yn gỽneuthur da.
a ỻaỽer gỽeith yd ymadrodeis yn vostus ac
yn valch. ac a vum valch o|m ethrylithyr ac
o|m kywreinrỽyd. ac a gredeis roi o duỽ ym da
o|m tra·ỻit ỽrth ereiỻ. ac a verneis ar ereiỻ
drỽy ym·hoffi o·honaf vy hun. ac a|vum chỽ+
annaỽc y orwacclot. ac a geỻweiryeis y rei
a oedynt is no mi. a|r tlodyon. a|r rei di·wy+
bot. ac a gyffredineis gyt a|r rei ysgymun.
ac a vum valch lawer gỽeith o voned vyng
kenedyl. O|lit. Mi a gyffessaf ry bechu o+
honaf yn ormod yn ỻit. kanys mi a deissyfe+
is dial y gyflaỽnhau vyn dryc·ewyỻys. ac a
vum an·adnabodedic y lawer y* lawer* o dyn+
yon yn ormod. Megys y mae o|r blaen yn|y
ỻe y traethỽyt am lit. O gynghorvynt. Mi a
gyffessaf ry bechu o·honaf yn vaỽr yng|kyng+
horvynt. kanys mi a|lawenheeis o drỽc a del+
ei y|m kymodaỽc. ac a|doluryeis o|e da. mal y
traethỽyt o|r blaen. Kebydyaeth Mi a|gyffes+
| « p 261 | p 263 » |