LlGC Llsgr. Peniarth 190 – tudalen 34
Ystoria Lucidar
34
y diodeifeint ef. Y ffynnaỽn o oleu a|dardaỽd
o|r daear. yỽ. ffynnaỽn y drugared a|dardaỽd
o|r wyry veir. Tangnefed a vu yn|y byt pan do+
eth gỽir dangnefed y|r daear. Ysgriuennu y
byt a|wnaethpỽyt. ardangos eu bot yn|da+
rostyngedic y|r gỽir vraỽdỽr. Y rei a|las a|den+
gys yd ant y|nghyvyrgoỻ y niuer a ymwrth+
otto a|duỽ ac a|e orchymynneu. Yr aniueil+
eit mut a|dywaỽt. o achaỽs ymchoelut po+
byl y sarassinyeit y voli duỽ. discipulus Paham y
doeth y tri brenhin a|r teir anrec y adoli crist
Magister|Yr dangos mynnu o·honaỽ tynnu attaỽ
teir ran y byt a|r daear. nyt amgen. yr assia
affrica. europpa. discipulus Paham y|ffoes ef y|r eifft
mỽy noc y wlat araỻ. Magister Y dangos bot yn
wir y voessen dỽyn o·honaỽ plant adaf o
gaethiwet kythreul. megys y duc moessen
bobyl yr israel o gaethiwet pharao vrenh+
in yr eifft. ac odyna ympenn y seith mlyned
yd ymchoelaỽd drachevyn y gaerussalem
nefaỽl drỽy seith donyeu yr yspryt glan. discipulus
| « p 33 | p 35 » |