LlGC Llsgr. Peniarth 33 – tudalen 159
Llyfr Blegywryd
159
tir. neu ẏ ỽreint. Trẏdẏd ẏỽ. lla+
uur kẏureithaỽl a|wnelher ar tir
ẏ|bo gỽell ohonnaỽ O r keis dẏn
ran o tir gan ẏ geraint* gỽedẏ ẏ
bo ẏn hir alltuded. rodet wheu+
geint vdunt ẏg gobẏr gwarch+
adỽ. o|r kanhadant ran idaỽ heb
gỽẏn Pỽẏ|bẏnnac a wnel brat
arglỽẏd. neu a|wnel kẏnllỽẏn. ef
a|gẏll tref ẏ|tat. Ac o|r keffir croga+
ỽdỽẏ vẏd. Onnẏ cheffir a|mẏnu
kẏmot ohonnaỽ a chenedẏl. ac a+
g|arglỽẏd. tal deudẏblẏc a|daỽ ar+
naỽ o|dirỽẏ ac alanas. Ac o|r kẏrch
lẏs ẏ|pab a|dẏuot llẏthẏr ganthaỽ
a|dangosso ẏ|rẏdhau o|r pab. tref
ẏ|tat; o enkẏl ohonnaỽ ẏ ỽrth ẏ
a|geiff Trẏdẏd achaỽs ẏ kẏll dẏn
tref ẏ tat. o|enkil ohonnaỽ ẏ ỽrth
ẏ|tir ac na allo godef ẏ|veich a|r
gwassaeth* a|uo arnaỽ P* r dẏrẏ
brenhin tir ẏ dẏn. trỽẏ gẏureith
nẏ|dichaỽn etiued ẏ|r brenhin dỽ+
ẏn ẏ tir rac hỽnnỽ o gẏureith
| « p 158 | p 160 » |