LlGC Llsgr. Peniarth 33 – tudalen 33
Llyfr Blegywryd
33
trẏdẏd canu. is kẏnted ẏ neuad. pan vẏ+
nno ẏ|vrenhines gerd o|e gwarandaỽ ẏn ̷+
n|ẏ|hẏstauell. kanet ẏ|brad* idi tri cha+
nu. o|gerd nidaw* trỽy|lef kymedrawl
megẏs na rwystro ar ẏ|neuad. Y|tir ̷
a|geiff yn rad rẏd. Ac nẏ|cheiff ef dim
ar neithorẏeu gỽraged gwrẏaỽc kẏn
no hẏnnẏ. Sef vẏd penkerd; bard gỽe+
dy ennillo kadeir. Nẏ dẏlẏ bard erchi
dim heb ẏ|ganhat ef hyt y|bo ẏ sỽẏd
onẏt bard gorwlat vẏd. kannẏs
rẏd vẏd hwnnw. kẏt gwahardo bren+
hin rodi
| « p 32 | p 34 » |