LlGC Llsgr. Peniarth 33 – tudalen 81
Llyfr Blegywryd
81
amdiffẏnnỽr gamlỽrỽ. A diuỽẏn
ẏ|haỽl o|r a|berthẏno ỽrth ẏ geir ẏ
tẏstỽẏt o|e wall. Tri pheth nẏ|chẏ+
gein ẏg|kẏureith. praỽf ar|werthret*.
namẏn tri. A gỽat dros waessaff.
A|chof gỽedẏ braỽt Tri theruẏn
ẏ|haỽl ẏssẏd. Guadu. neu broui.
neu llẏssu tẏston Tri gỽeithret
ẏssẏd ar braỽf; llauur kẏfreitha+
ỽl ar|tir. neu akẏureithaỽl. megẏs
torri ffin. neu ffin wneuthur.
neu lauur arall; A gỽeithret llỽ+
dẏn ẏn llad ẏ|llall ẏ|gỽẏd buge+
il trefgord. tẏstolẏaeth hỽnnỽ
ẏn wẏbẏdẏat a seif am hẏnnẏ.
Tẏstolẏaeth gỽẏbẏdẏeit am tir
heuẏt a seif. A gỽeithret kẏtle+
idẏr lledẏr* a groccer am|letrat.
Tẏstolẏaeth hỽnnỽ ar|ẏ|gẏtlei+
dẏr a seif. Tri gỽaessaf ẏssẏd;
Ardelỽ. neu warant. neu amdi+
ffẏnn heb warant Tri chof gỽe ̷+
dẏ braỽt ẏssẏd; Godef o|vraỽdỽr
gỽẏstẏl ẏn erbẏn ẏ|b˄raỽt heb rodi.
| « p 80 | p 82 » |